20 eta 30eko hamarkadetan Txiki eta Eduardo Lagarde bezalako egileekin hasi, Txistu
eta Poxpolin
aldizkariarekin jarraituz (azkeneko hori Isaac
Lopez Mendizabalek sortua 1935. urtean), euskal umorearen garai berri gisa
izendatutako garaira helduko gara Yon
Zabaleta, Juan Carlos Eguillor
eta Antton Olariaga
marrazkilariekin, gaur arte iraungo duena; honako ekarpenak eginez: Astiberri argitaletxea eta Habeko
Mik, Napartheid, Xabiroi eta Ipurbeltz aldizkariak,
besteak beste. Horrela, beraz, euskarazko komikigintzak osasun ezin hobea duela
egiaztatu beharrean gaude.
Horretaz jabeturik eta
Euskararen Nazioarteko Egunarekin (abenduaren 3a) bat eginez, KM kulturguneko liburutegiak euskarazko
komikiak eta fanzineak erakutsiko ditu, horien testu eta ilustrazioez goza
dezagun.