George Sanders aktore britainiar hau Errusian jaio zen eta Castelldefelsen hil zen barbiturikoen gaindosi baten ondorioz. Itxura dotore eta ederrekoa izanik, bere paperei etekinik onena ateratzen jakin zuen, eta lanik onenak bigarren aktore gisa egin zituen. Ahaztezinak dira Rebeka eta Den-dena Evari buruz filmeetako antzezpenak, azkeneko horrekin gainera Oscar saria eskuratu zuen.
Oso karrera emankorra izan zuen eta aurreko bi film horiez gain, nabarmentzekoak dira beste hauek ere: The Picture of Dorian Gray, The Ghost and Mrs. Muir,Samson and Delilah, Ivanhoe, Viaggio in Italia edo In Search of the Castaways.
George Sandersen filmak jarraitzeko aukera izango dugu irailaren 30etik urriaren 5era arte.
