Alberto Sordi Italiako aktore
handienetakoa izan zen, Mastroianni, Gassman, Tognazzi edo Manfredirekin
batera. Hasiera batean bikoizketako aktorea izan zen, gero errebistako aktore
eta irratian ere aritu zen lanean. Baina, zinemako aktore gisa lortu zituen
lanik onenak, klase ertaineko italiarraren papera ezin hobeto irudikatu
baitzuen.
Komediako maisua izan den horren filmografian titulu ahaztezin hauek
daude: Lo sceicco bianco, I Vitelloni, Un americano a Roma, Il conte Max, La
grande guerra, Il giudizio universale, Detenuto in attesa di giudizio,
L'ingorgo, Il marchese del Grillo, L'avaro eta jendearen hain gustukoak
izan diren beste asko.
Azaroaren 11tik 16ra bitartean
ekarriko dugu gogora Alberto Sordi.
