Lilli Palmer gaur egungo Polonian jaiotako aktore alemaniarra izan zen. Britainia Handian hasi zuen karrera, zineman eta antzerkian aldi berean ibiliz.Rex Harrison (My fair Lady) aktore ospetsuarekin ezkondu zen eta berarekin joan zen Hollywoodera eta han egin zuen karrera oso garrantzitsua izan zen, honako film hauetan parte hartu baitzuen: Cloak and Dagger (Fritz Lang), Body and Soul (Gary Cooperrekin batera) edo Caesar and Cleopatra.
Harrisonekin zuen harremana gaiztotzen joan zen eta dibortzioan bukatu zuen; horren ondorioz jaioterrira, Alemaniara, itzuli zen eta zineman jarraitu zuen lanean, film interesgarri hauetan nabarmenduz: Montparnasse 19, The Counterfeit Traitor, Operation Crossbow edo The Boys From Brazil. Azpimarratu behar da, baita ere, Espainiako film batean aktore nagusia izan zela, Narciso Ibáñez Serradorrek zuzendutako La residencia izenekoan.
Urtarrilaren 21etik 25era bitartean gogoratuko dugu aktore horren lana.
