Nahiz eta Italian jaio, bere gurasoak Frantziara emigratu zuten eta
Marseillan jarri ziren bizitzen. Music-halleko abeslari gisa ikuskizun
munduan hasi aurretik hainbat ofizio probatu zituen
Yves Montand-ek.
Gero, Parisera joan zen eta, han, bere maitale bilakatu zen Edith Piaf
handiak aurkitu zuen. Seduktore handia zenez gero, amodiozko harreman
asko izan zituen, baina Simone Signoret, aktore frantziarra, izan zen
bere amodio handia, hil zen arte jarraitu baitzuen berarekin. Gaur egun
elkarrekin daude hilobiratuta Pariseko
Père-Lachaise hilerrian.
40ko hamarkadaren erdialdera hasi zuen karrera zinematografikoa. Bere filmografian aipatu behar dira
Le Salaire de la peur,
Let's Make Love -Marilyn Monroeren azken filmetako bat-,
My Geisha,
Vivre pour Vivre,
Z,
État de Siège,
Police Python 357,
I comme Icare -film horrekin aktore onenaren
César Saria irabazi zuen- eta
Jean de Florette.
Yves Montanden zinema berrikusiko dugu apirilaren 7tik 12ra bitartean.
