Antzerkian eta zineman karrera luze eta interesgarria egindako aktorea izan zen Melvyn Douglas, era guztietako paperak interpretatu zituena, bai abenturazko zineman eta bai komediakoan, denetan lan bikaina gainera. Hud eta Being There filmekin bi Oscar Sari irabazi zituen -bigarren aktore onenaren saria bietan- eta aktore onenaren sarirako ere izendatua izan zen I Never Sang for My Father filmarengatik.
Beste film hauetan ere nabarmena izan zen bere lana: Captains Courageous, Ninotchka, Two-Faced Woman, That Uncertain Feeling, The Sea of Grass, Mr. Blandings Builds His Dream House, A Woman's Secret, The Candidate, Le locataire eta The Changeling.
Urtarrilaren 7tik 11ra bitartean gogoratuko dugu bere lana.
