Azken aldi honetan utzi gaituen Hollywoodeko aktore handietako bat Eleanor Parker ilegorria izan da. Edertasun handiko emakumea zen, eta horri esker hasi zen zineman, Warnerreko ateak oso gazte zelarik ireki baitzitzaizkion.
Tamaina txikiko ekoizpenetan parte hartu ondoren, 50eko hamarkadan egin zituen interpretazio onenak, Oscar Sarietarako 3 izendapen izateraino honako film hauekin:. Caged (1950), Detective Story (1951) eta Interrupted Melody (1955).
Horiez gain, bere filmografia bikainean honako film hauek ere aipatu behar dira: Escape from Fort Bravo, The Naked Jungle, The Man with the Golden Arm,The King and Four Queens, Home from the Hill eta 60ko hamarkadan The Sound of Music ospetsua.
Aktore eder hori gogoratuko dugu otsailaren 24tik martxoaren 1era bitartean.
